Der Vorhang is g’foin, d’Lichter san aus, und d’letzte Szene is g’spuit. Unsere Theatersaison 2025 is vorbei! Mit am lachenden und am weinenden Aug schau ma z’ruck auf unvergessliche Abende voller G’schichtn, G’fühl und vor allem vui Gaudi. 

Unsre Truppn hod mit Herzblut auf da Bühn g’standn, d’Leit zum Lacha, Stauna und manchmoi aa zum Nochn’denga bracht. Jeder Applaus war a Wahnsinns-G’schenk, und jede Vorstellung a Freid für uns alle. A herzliches Vergelt’s Gott an unser Publikum, an alle fleißigen Hellfer hinter de Kulissn, an die Bedienungen der Post und natürlich an unsre grandiosn Schauspieler! Ohne eich war des ois ned ganga. 

Bsonders g’freit hod uns, dass uns’re Truppn heier so harmonisch beinand war, wia ma’s ned besser hätt seng kenna. Es hod koane Streitereien gebn, höchstens amoi a Diskussión, wer jetz wieder sein linkn Schuah verbummelt hod. Aber am End hod trotzdem jeder sein Schuah wieda g’funden – und des is ja aa ned selbstverständlich! 

Und ganz ehrlich: Ohne de 50 Packungen Toffifee, de uns durch d’Proben und Vorstellungen bracht ham, war ma wahrscheinlich ned ganz so fröhlich g’wesn. Dankschee an unsre offizielle Nervennahrung! 

Aber wia ma sogt: Nach da Saison is vor da Saison! Mia frein uns narrisch, wenn’s wieda hoasst: „Vorhang auf!“ und unsa Bühna wieda mit Lebn g’füllt werd. Pfiat Eich und hei hei– bis zum nächstn Moi!

Eure Aufkirchner Dorfbühne